Lestur er lykill að ævintýrum - Skráning

Menntamálastofnun og Menntavísindasvið Háskóla Íslands standa fyrir ráðstefnunni Lestur er lykill að ævintýrum þann 18. nóvember í húsakynnum Menntavísindasviðs HÍ, Stakkahlíð. Ráðstefnunni er ætlað að skapa vettvang fyrir sérfræðinga, fræðimenn og kennara til að kynna verkefni er lúta að læsi á leik- og grunnskólastigi.

Aðalfyrirlesarar ráðstefnunnar verða R. Malatesha Joshi, doktor við Texas-háskóla í lestrar- og móðurmálskennslu, Rannveig Oddsdóttir, doktorsnemi við Menntavísindasvið og sérfræðingur við Miðstöð skólaþróunar Háskólans á Akureyri og Jenný Gunnbjörnsdóttir, aðjunkt við Kennaradeild Háskólans á Akureyri.

Auk aðalfyrirlestra verða á dagskrá tólf málstofur þar sem m.a. verður greint frá gagnvirkum lestri, læsi í leikskólum, samstarfi við foreldra, viðhorfi barna til lestrar og ýmsum árangursríkum aðferðum í námi og kennslu.

Setning ráðstefnunnar er í höndum Guðna Th. Jóhannessonar, forseta Íslands.

Ráðstefnustjóri verður Arnór Guðmundsson, forstjóri Menntamálastofnunar.

Dagskrá

09:00 Setning ráðstefnu – Guðni Th. Jóhannesson forseti Íslands

09:15 Aðalerindi – Application of the Componential Model of Reading for Assessment and Intervention – R. Malatesha Joshi

10:15 Kaffi

10:30 Málstofur

12:00 Matur

12:50 Aðalerindi – Samræður til náms – Jenný Gunnbjörnsdóttir

13:20 Aðalerindi – Læsisstefna í lærdómssamfélagi – Rannveig Oddsdóttir

14:00 Málstofur

15:30 Ráðstefnuslit.

Nánari dagskrá með erindum málstofa má finna hér.

Ágrip erinda má finna hér.

Ráðstefnugjald er 12.500 kr. og er matur innifalinn í verði.

Ráðstefnugjald fyrir nemendur háskóla er 6.250 kr. og er matur innifalinn í verði. Vinsamlega sendið póst á krishar@hi.is ef þið eruð í háskólanámi og viljið skrá ykkur á ráðstefnuna. 

Hægt verður að leigja bása til kynningarstarfs fyrir 5.000 kr. Vinsamlega sendið póst á sh@hi.is fyrir frekari upplýsingar.

Viltu vita meira?

Nánari upplýsingar veita Sigríður Kr. Hrafnkelsdóttir, verkefnisstjóri á Menntavísindastofnun (sh@hi.is / 525-5388) og Kristín Erla Harðardóttir, forstöðumaður Menntavísindastofnunar (krishar@hi.is / 525-4165).

Þú ert að nota: brimir.rhi.hi.is