Stærðfræðinámskeið fyrir kennara á yngsta stigi grunnskóla

Boðið er upp á námskeið fyrir stærðfræðikennara á yngsta stigi grunnskólans. Þar verður fjallað um hæfniviðmið aðalnámskrár grunnskóla, grunnþætti menntunar og skoðaðar leiðir í kennslu út frá hugmyndum námskrárinnar. Áhersla verður lögð á hvernig nota má hlutbundna nálgun og umræður í stærðfræðinámi. Gefin verða dæmi um fjölbreytt viðfangsefni sem hentugt er að nýta í kennslu yngri barna. Unnið verður með verkleg viðfangsefni þar sem nemendur fá tækifæri efla sköpunarhæfileika sína. Nýtt vefefni sem Námsgagnastofnun gefur út 2014 verður kynnt en það er hugsað sem verkleg/hlutbundin nálgun við alla þætti stærðfræðinnar.
Námskeiðið verður kennt í HÍ við Stakkahlíð mánudagana 17.2., 3.3. og 17.3. 2014 kl. 14:30 – 17:00.
Kennt verður í stofu H 209
Umsjón með námskeiðinu hefur Þórunn Jónasdóttir deildarstjóri við Hörðuvallaskóla í Kópavogi. 
Verð: 15000 kr  
 
Einnig verður boðið upp á þetta sama námskeið dagana 4. – 5. júní. Kennt verður frá 13:00 – 17:00 fyrri daginn og 8:30 – 13:00 seinni daginn. Nánar auglýst siðar. 
 
 
 
 
 
 
Þú ert að nota: brimir.rhi.hi.is