Einstaklingsmiðað nám

Námskeiðið hentar fyrir alla þá sem hafa áhuga á kynna sér hvaða leiðir unnt er að fara til að einstaklingsmiða nám.

 
Markmið 
Að þátttakendur fái innsýn í hvað einstaklingsmiðað nám er og hvaða leiðir unnt er að fara til skipuleggja einstaklingsbundna kennslu í blönduðum bekk.
 
Viðfangsefni 
Hvað er eintaklingsmiðað nám? Hvers vegna á að einstaklingsmiða nám? Á námskeiðinu verður reynt að svara þessum  spurningum, en ekki síst verða kynntar hugmyndir um hvernig skipuleggja má skólastarfið þannig að koma megi til móts við ólíkar þarfir, áhuga og einstaklingsmun nemenda. Þá verða kynntar hugmyndir um hvernig skapa má góðan bekkjaranda, um fjölbreyttar kennsluaðferðir og blómlegt foreldrasamstarf. Tekin verða margvísleg dæmi úr kennslu.
 
Vinnulag 
Fyrirlestrar, umræður, samvinna, verkefni og leiðsögn. Lögð er áhersla á að þátttakendur fái tækifæri til að skipuleggja viðfangsefni sem þeir geta prófað í eigin kennslu.
 
Umfang
Stutt námskeið 6-8 kennslustundir og lengra námskeið allt að 20-30 kennslustundir. Einnig er hægt að fá fræðslufund um efnið, 2-4 kennslustundir.
 
Kennari
Lilja M Jónsdóttir
Þú ert að nota: brimir.rhi.hi.is