Námskeið á Akureyri - Laxdæla saga og siðferðileg menntun

 

Boðið er upp á námskeið í Laxdæla sögu sem kennsluefni fyrir unglinga. Námskeiðið verður haldið í húsakynnum Háskólans á Akureyri dagana 8. og 9. ágúst 2019. Skráningarhlekk má finna neðst á síðunni - lokaskráningardagur er 2. júlí 2019.

Tímasetningar:

Fimmtudagur 8. janúar:  kl. 14 til 17.
Föstudagur 9. janúar: kl. 9 til 15 - með hádegisverði milli klukkan 12 og 13 

Báða daga fléttast saman fyrirlestrar, samræða og verkefnavinna.

Þátttökugjald er 5000 kr og hádegisverður föstudaginn 9. ágúst er innifalinn.

Námskeiðið:

  • er fyrir móðurmálskennara á unglingastigi grunnskóla og við framhaldsskóla og alla aðra sem hafa áhuga á Íslendingasögum sem námsefni fyrir unglinga.
  • hentar jafnt kennurum sem nota óstyttan texta Laxdælu og þeim sem styðjast við endursögn Gunnars Karlssonar sem nýlega hefur verið endurútgefin af Menntamálastofnun.
  • byggist á reynslu af rannsóknarverkefni sem við höfum unnið að í tvö ár í samráði við kennara á unglingastigi við þrjá grunnskóla.

Rannsóknarverkefnið sem námskeiðið byggist á snýst um að kanna hvernig:

  • kynning á siðferðilegum hugtökum glæðir áhuga unglinga á sögunni og hjálpar þeim að skilja hana.
  • rökræða um söguna gefur nemendum tækifæri til að ná valdi á siðferðilegum hugtökum og orðaforða um mannkosti eins og til dæmis heiðarleika, hugrekki, kærleika, sanngirni, sáttfýsi, sjálfsaga, þrautseigju og örlæti.

Notast er við Laxdælu sem dæmi þar sem hún er gott dæmi um sögu sem kallar á samræður um innræti fólks og leggur opnar spurningar fyrir lesanda sinn en svarar þeim ekki. Námskeiðið gagnast samt kennurum sem kjósa að kenna aðrar Íslendingasögur.

 

Að námskeiðinu standa: Atli Harðarson, Ólafur Páll Jónsson, Róbert Jack og Þóra Björg Sigurðardóttir.

Lokadagur til skráningar og greiðslu er 2. júlí 2019. 
Greiðsla staðfestir skráningu í námskeiðið.
Námskeiðsgjald, 5000 kr. greiðist inn á reikning 0137-26-20250 - kt. 600169-2039

Smellið hér til að skrá ykkur

Þú ert að nota: brimir.rhi.hi.is