Menntafléttan - námssamfélög í skóla- og frístundastarfi

Skráning á námskeið Menntafléttunnar fyrir skólaárið 2021-2022 hefst 17. maí fyrir námskeið sem hefjast haustið 2021 en 16. apríl fyrir námskeið sem hefjast í júní 2021.

Námskeið Menntafléttunnar sem hefjast á árinu eru: 

 

Fleiri námskeið koma inn á vefinn í maí 2021.

Í námskeiðslýsingum koma fram frekari upplýsingar um æskilegan fjölda úr hverjum skóla eða starfsstað, sem og til hvaða hópa starfsfólks og kennara námskeiðið höfðar. 

Menntafléttan - námssamfélög í skóla- og frístundastarfi er samstarfsverkefni Menntavísindasviðs Háskóla Íslands, Háskólans á Akureyri og Kennarasambands Íslands. 

Lesa má um hugmyndafræði Menntafléttunnar á heimasíðu Menntamiðju og í grein eftir verkefnastjóra Menntafléttunnar sem birtist í Skólaþráðum í lok apríl 2021. 

Markmið Menntafléttunnar er að efla námssamfélög kennara og starfsfólks í leik,- grunn- og framhaldsskólum sem og í frístundastarfi. Menntafléttan skapar nýja möguleika til starfsþróunar og byggir á hugmyndafræði leiðtoganáms og jafningjarýni í eigið starf. Starfsþróun sem byggir á stuðningi við námssamfélög samstarfsfólks byggir á rannsóknum á því hvað reynist best í starfsþróun kennara, að hún:

  • sé rauntengd við aðstæður náms og kennslu,
  • sé studd markvissri leiðsögn samstarfsfólks og stjórnenda,
  • byggi á aðferðum jafningjamats og endurgjafar og
  • grundvallist á gagnrýninni samræðu um nám og kennslu á eigin vettvangi.

Lykilatriði er að skapa samfélag innan skóla og starfsstaða þar sem kennarar og annað starfsfólk ræðir saman um ólíkar aðferðir, deilir þekkingu, ögrar og hvetur hvert annað áfram í stöðugri umleitan til umbóta. Áhersla er lögð á að tengja viðfangsefni námskeiða Menntafléttunnar markvisst við eigið starf þátttakenda og nám og vellíðan barna og ungmenna. Námskeið byggjast upp á þróunarhringjum sem fylgja fjórum skrefum:

  1. undirbúningur hvers og eins 
  2. samvinna kennara og leiðtoga, efnið rætt og kennsla undirbúin 
  3. framkvæmd kennslu, fylgst með kennslu samkennara 
  4. ígrundun og samantekt, reynslan metin.

Image
Myndin sýnir þróunarhring. 1. Þátttakendur undirbúa sig með lestri. 2. Leiðtogi og þátttakendur ræða efnið og gera áætlun um hvernig má flétta því við nám nemenda og starfið næstu vikunnar. 3. Áætlun framfylgt, þátttakendur fylgjast með og styðja hvern annan. 4. Samtal um hvernig til tókst og hvað má bæta.

Viðfangsefni hvers námskeiðs Menntafléttunnar er skýrt afmarkað og hagnýtt. Markmiðið er að námskeiðin fléttist saman við daglegt starf þátttakenda, innan þess svigrúms sem þeir hafa til starfsþróunar.

Námskeið Menntafléttunnar eru kennd í stað- eða fjarnámi og því er aðgengi allra að leiðtoganámskeiðum tryggt, um land allt.  

Image
""