Íslenska æskulýðsrannsóknin
Íslenska æskulýðsrannsóknin (ÍÆ) er rannsókn sem Háskóli Íslands framkvæmir fyrir Mennta- og barnamálaráðuneytið á grundvelli 12 gr. æskulýðslaga nr. 70/2007. Markmið verkefnisins er að safna gögnum um velferð og viðhorf barna og ungs fólks og gera niðurstöður aðgengilegar til að styðja við stefnumótun.
Menntavísindastofnun Háskóla Íslands er framkvæmdaraðili Íslensku æskulýðsrannsóknarinnar.
Könnun Íslensku æskulýðsrannsóknarinnar verður frá og með skólaárinu 2021-2022 lögð fyrir á hverju ári í grunnskólum, annað hvert ár í framhaldsskólum (hefst 2023-2024) og fjórða hvert ár verður framkvæmd símakönnun meðal ungs fólks utan skóla.
Það er stefna ÍÆ að allur aðgangur að niðurstöðum verði gjaldfrjáls og gagnasafn eins opið og hægt er svo lengi sem nafnleynd þátttakenda er tryggð. Yfirlit yfir niðurstöður og gagnagrunn ÍÆ er hægt að nálgast í vefforriti.
Starfsmenn Menntavísindastofnunar sem koma helst að verkefninu:
Kristín Erla Harðardóttir - Forstöðumaður
Ragný Þóra Guðjohnsen - Faglegur stjórnandi
Hans Haraldsson - Gagnagrunnur og vefforrit
Ingibjörg Kjartansdóttir - Samskipti við skóla og persónuverndarmál
Ólöf Ragna Einarsdóttir - Samskipti við skóla og forprófanir
Unnar Geirdal Arason - Gagnagrunnur og sérskýrslugerð