Menntafléttan - námssamfélög í skóla- og frístundastarfi

Skráning er hafin á menntamiðju!

Menntafléttan - námssamfélög í skóla- og frístundastarfi er samstarfsverkefni Menntavísindasviðs Háskóla Íslands, Háskólans á Akureyri og Kennarasambands Íslands. Lesa má um hugmyndfræði Menntafléttunnar á heimasíðu Menntamiðju og í grein eftir verkefnastjóra Menntafléttunnar sem birtist í skólaþráðum í lok apríl 2021.

 

Stjórnendur allra skólastiga og -gerða (leikskóla, grunnskóla, framhaldsskóla og tónlistarskóla)

 

Leikskóli

 

Grunnskóli

1.-10. bekkur

Yngsta stig grunnskóla 

Miðstig grunnskóla 

Mið- og unglingastig

7.-10. bekkur 

Unglingastig

 

Framhaldsskóli

 

Námskeið fyrir fjölbreytta hópa

  • Stuðningsfulltrúar og frístundaleiðbeinendur efla sig í starfi 
    • fyrir stuðningsfulltrúa og frístundaleiðbeinendur - auk kennara (sem taka þátt í hluta námskeiðsins)
  • Kynbundið ofbeldi: Forvarnir og fræðsla 
    • Fyrir kennara í grunn- og framhaldsskólum, tómstunda- og félagsmálafræðinga og starfsfólk í félagsmiðstöðvum, frístundaheimilum og æskulýðsstarfi, skólahjúkrunarfræðinga, fólk sem sér um félagsstörf nemenda, sálfræðinga og annað fólk í stoðþjónustu skóla- og frístundastarfs frá upphafi grunnskólans til loka framhaldsskólans

 

 

Allar nánari upplýsingar um námskeiðin, kennara og viðfangsefni er að finna í lýsingu hvers námskeiðs. 

Skráning á námskeið skólaársins 2022-2023 fer fram á www.menntamidja.is.

Verkefnastjórar bjóða skólum og stofnunum kynningu á Menntafléttunni. 
 

Nánari upplýsingar

Mynd af Oddný Sturludóttir Oddný Sturludóttir Aðjunkt 6980033 oddnys [hjá] hi.is

Markmið Menntafléttunnar er að efla námssamfélög kennara og starfsfólks í leik,- grunn- og framhaldsskólum sem og í frístundastarfi. Menntafléttan skapar nýja möguleika til starfsþróunar og byggir á hugmyndafræði leiðtoganáms og jafningjarýni í eigið starf. Starfsþróun sem byggir á stuðningi við námssamfélög samstarfsfólks byggir á rannsóknum á því hvað reynist best í starfsþróun kennara, að hún:

  • sé rauntengd við aðstæður náms og kennslu,
  • sé studd markvissri leiðsögn samstarfsfólks og stjórnenda,
  • byggi á aðferðum jafningjamats og endurgjafar og
  • grundvallist á gagnrýninni samræðu um nám og kennslu á eigin vettvangi.

Throunarhringur

Lykilatriði er að skapa samfélag innan skóla og starfsstaða þar sem kennarar og annað starfsfólk ræðir saman um ólíkar aðferðir, deilir þekkingu, ögrar og hvetur hvert annað áfram í stöðugri umleitan til umbóta. Áhersla er lögð á að tengja viðfangsefni námskeiða Menntafléttunnar markvisst við eigið starf þátttakenda og nám og vellíðan barna og ungmenna. Námskeið byggjast upp á þróunarhringjum sem fylgja fjórum skrefum:

  1. Þátttakendur undirbúa sig með lestri eða áhorfi – og undirbúa spurningar
  2. Þátttakendur funda með teyminu sínu og gera áætlun um útfærslu í starfi
  3. Þátttakendur og teymið þeirra framkvæmir og skrá hjá sér athuganir
  4. Þátttakendur funda aftur með teyminu og ræða hvernig til tókst og hvernig börnin/ungmennin brugðust við.

 

 

 

 

Viðfangsefni hvers námskeiðs Menntafléttunnar er skýrt afmarkað og hagnýtt. Markmiðið er að námskeiðin fléttist saman við daglegt starf þátttakenda, innan þess svigrúms sem þeir hafa til starfsþróunar.

Námskeið Menntafléttunnar eru kennd í stað- eða fjarnámi og því er aðgengi allra að leiðtoganámskeiðum tryggt, um land allt.  

Menntafléttan-námssamfélög í skóla- og frístundastarfi: Stuðningur við þróun námssamfélaga

Stutt kynningarmyndband um Menntafléttuna.

Menntafléttan - námssamfélög í skóla- og frístundastarfi: Mikilvægt hlutverk skólastjórnenda

Menntafléttan- námssamfélög í skóla- og frístundastarfi: Mikilvægt hlutverk skólastjórnenda

Menntafléttan - námssamfélög í skóla og frístundastarfi

Að skapa námssamfélag þar sem margir koma að því að þróa starfið og bæta