Á Menntavísindasviði er boðið upp á opin námskeið (starfsþróunarnámskeið) á fjölmörgum sviðum menntavísinda. Ekki þarf að sækja um formlegt nám við Háskóla Íslands til að geta sótt um inntöku í þessi námskeið. Námskeiðin eru metin til eininga sé þeim lokið með tilskildum árangri og hægt er að sækja um að fá þau metin inn á námsleið sé vilji til frekara náms. 

Opin námskeið eru eingöngu ætluð starfsfólki leik-, grunn- og framhaldsskóla, frístundaheimila og félagsmiðstöðva. Umsækjendur eru beiðnir um að senda ferilskrá með umsókninni. 

Umsókn og skráningargjald 

• Umsóknarfrestur er til og með 5. júní 2021.
• Skráningargjald er 55.000 kr. fyrir allt að tvö námskeið á misserinu.

Athugið!

• Einstaklingar greiða að hámarki kr. 75.000 á skólaári. Þau sem fá inntöku í námskeið á haustmisseri 2021 greiða einungis kr. 20.000 fyrir allt að tvö námskeið á vor- og sumarmisseri 2022.
• Leyfilegt er að skrá sig að hámarki í tvö námskeið á einu misseri. 

Námskeiðin eru öll einingabær, ýmist í grunn- eða framhaldsnámi og eru þau merkt G, M eða F 

• Einstaklingar sem hafa lokið stúdentsprófi geta eingöngu sótt um inntöku í G-námskeið.
• Einstaklingar sem hafa lokið amk. 120 einingum í bakkalárnámi geta sótt um inntöku í G og/eða M námskeið. 
• Einstaklingar sem hafa lokið fullgildri bakkalárgráðu geta sótt um öll námskeið á listanum (G, M og/eða F). 

Umsækjendur sem hafa lokið prófgráðu við HÍ eða a.m.k. 60 ECTS einingum eftir 1981 þurfa hvorki að skila inn staðfestu afriti á pappír af prófskírteini né af stúdentsprófsskírteini. Allir aðrir eru beiðnir um að senda staðfest afrit af prófskírteini. Með staðfestum afritum er átt við ljósrit sem eru staðfest með stimpli í lit og með undirskrift frá viðkomandi skóla, eða öðrum til þess bærum aðila, t.d. sýslumanni. Óstaðfest eða skönnuð skírteini eru ekki gild fylgigögn. 

COVID-19: Kennsla á öllum námskeiðum verður aðlöguð að samkomutakmörkunum hverju sinni.