Hádegisverðarfundur fyrir starfsfólk MVS um réttindi barna, þáttaskil og fullgildi.
Föstudaginn 25. september stóð RannUng – Rannsóknarstofa í menntunarfræðum ungra barna – fyrir hádegisverðarfundi um réttindi barna, þáttaskil og fullgildi. Fundurinn var haldinn í samstarfi við verkefnið TEACH RIGHTS, sem Ingibjörg Ósk Sigurðardóttir leiðir.
Á fundinum voru flutt þrjú erindi sem nálguðust réttindi barna og þáttaskil frá ólíkum sjónarhornum. Ingibjörg Ósk Sigurðardóttir fjallaði um réttindi barna í kennaramenntun, Sally Peters frá University of Waikato á Nýja-Sjálandi ræddi stuðning við börn með flóttamanna- og innflytjendabakgrunn og fjölskyldur þeirra við þáttaskil leikskóla og grunnskóla og Mariana Souto-Manning frá Erikson Institute í Chicago fjallaði um fullgildi barna í skólasamfélaginu.
Góðar umræður sköpuðust í kjölfar erindanna um hvernig styðja megi betur við réttindi barna og fjölskyldna þeirra, þátttöku og fullgildi.
RannUng þakkar fyrirlesurum kærlega fyrir áhugaverð erindi og öllum gestum fyrir þátttöku í umræðum.
