Tímarit
Á Menntavísindasviði Háskóla Íslands eru gefin út tvö tímarit
NETLA - veftímarit um uppeldi og menntun
í Netlu eru birtar fræðilegarn ritrýndar greinar á íslensku og ensku en einnig ritstýrðar frásagnir af þróunarstarfi, umræðugreinar, hugleiðingar, pistlar, viðtöl, ritfregnir og ritdómar um uppeldis- og menntamál. Öllum er heimilt að senda efni í ritið og allt efni tengt uppeldi og menntun er tekið til athugunar hjá ritstjórn hvort sem byggt er á rannsóknum og fræðastarfi eða innsýn og reynslu.
Auk þess eru gefin út árlega sérrit Netlu og ráðstefnurit sem lúta að jafnaði sérstakri ritstjórn í samráði og samvinnu við ritstjórn tímaritsins.
Tímarit um uppeldi og menntun - TUM
Timarit um uppeldi og menntun er fræðilegt tímarit á sviði menntavísinda, gefið út í samstarfi Menntavísindasviðs Háskóla Íslands, Hug- og félagsvísindasviðs Háskólans á Akureyri og Félags um menntarannsóknir. Ritstjórar eru tveir, annar tilnefndur af Menntavísindasviði Háskóla Íslands og hinn af Hug- og félagsvísindasviði Háskólans á Akureyri.
Megintilgangur tímaritsins er að auka þekkingu og faglega umræðu um uppeldis og menntamál á Íslandi með því að birta fræðilegt efni í formi ritrýndra greina, ritdóma og ítardóma. Skilyrði fyrir birtingu ritrýndra fræðigreina er að þær feli í sér nýnæmi og hafi ekki birst á öðrum vettvangi. Greinar geta verið á íslensku eða ensku en greinar á ensku skulu fela í sér alþjóðlegt nýnæmi.
Tímaritið kemur út tvisvar á ári og tekið er á móti greinum allt árið.
Nánari upplýsingar
 |
Anna Bjarnadóttir |
|
5255931 | annabjarnadottir [hjá] hi.is |