Svefn á Íslandi: Þverfagleg ráðstefna um rannsóknir og nýjungar
Hið Íslenska Svefnrannsóknarfélag stendur að ráðstefnu í samvinnu við Háskóla Íslands, 28. janúar frá kl 16:30-19:00, á Hringsalnum, Landspítalanum Hringbraut.
Landsráðstefna um svefnrannsóknir 2025 er vettvangur fyrir alla sem sinna svefni á Íslandi til að koma saman, miðla þekkingu og efla samstarf. Ráðstefnan sameinar rannsóknarfólk, heilbrigðisstarfsfólk, nemendur og sérfræðinga frá Háskóla Íslands, Háskólanum í Reykjavík, Landspítalanum og öðrum stofnunum og fyrirtækjum sem vinna með svefn eða svefnheilbrigði. Markmiðið er að skapa yfirsýn yfir nútíðarstarf, kynna nýjustu niðurstöður og styrkja tengsl innan íslenska svefnvísindasamfélagsins.
Dagskrá
16:30 Opnun ráðstefnu (Erla Björnsdóttir)
16:35 Svefnmiðstöð Landspítala (Ása Jóhannesdóttir)
16:55 Raising the Bar for Clinically Validated AI in HSAT: Multicenter Evidence to Improve Access, Reduce Care Gaps, and Improve Sleep Apnea Outcomes (Jón Skírnir Ágústsson)
17:15 Svefnlengd, svefnleysi og dagsyfja:
Tengsl við hjarta- og efnaskiptasjúkdóma, félagslega stöðu og lífsgæði. Alþjóðleg rannsókn (Bryndís Benediktsdóttir)
17:35 Hlé
17:55 Tengsl dagsyfju og getuleysis meðal karla með kæfisvefns einkenni á Norðurlöndum (Elín Helga Þórarinsdóttir / Þórarinn Gíslason)
18:15 Reynsla fullorðinna af verkjasvefnleysi: Vítahringur fjögurra meginþátta (Aðalbjörg Albertsdóttir)
18:35 The Impact of Insomnia on Wearable and Digital Sleep Diary Accuracy Against Polysomnography (Konstantin Popov)
18:55 Ráðstefnulok
Fyrirspurnir sendist á sleepiceland@gmail.com