TUM sérrit - kall eftir greinum: Pælt í PISA
Ákall eftir greinum í sérrit TUM - Tímarit um uppeldi og menntun
Pælt í PISA: Rýnt í niðurstöður PISA 2022
Stefnt er að útkomu sérrits á vegum TUM um niðurstöður PISA 2022 sem kemur út í byrjun árs 2025. Í ritinu verður rýnt í afmarkaða þætti í niðurstöðum fyrir Ísland og þær ræddar í breiðara samhengi. Megin markmið sérritsins er að nýta þá umfangsmiklu könnun sem PISA er til að draga lærdóma um stöðu íslenska skólakerfisins á þeim þáttum sem eru til umfjöllunar og möguleg viðbrögð.
Gert er ráð fyrir ritrýndum greinum í samræmi við kröfur TUM um form og frágang, sjá leiðbeiningar um framsetningu hér: https://tum.hi.is/leidbeiningar/
Ennfremur er höfundum boðið að senda inn ritstýrðar greinar sem tengjast sjónarmiðum fagfólks, stjórnenda, foreldra eða nemenda til PISA könnunarinnar. Sérritið kemur út í prentaðri útgáfu sem verður dreift til áskrifenda og samtímis á vef tímaritsins.
Ritstjórar eru Sigríður Margrét Sigurðardóttir, lektor við HA og Anna Kristín Sigurðardóttir, prófessor við HÍ.
Skilafrestur: Framlengdur til 31.maí 2024: skil á 100 – 150 orða ágripi sem sendist á tum@hi.is
10. júní 2024: svar frá ritstjórn um samþykki eða synjun.
20. september 2024: Skil á lokahandriti
Mars 2025: útgáfa