Morgunverðarfundur Rannung verður haldinn föstudaginn 4. apríl kl. 8:30 - 11:00 á Grand hóteli

Fundurinn hefst á glæsilegu morgunverðarhlaðborði í Háteig klukkan 8:30-9:00

Dagskrá fundar:

•  Leikur og félagsleg sjálfbærni - Dr. Robert Lecusay, dósent við Stokkhólmsháskóla fjallar um tengsl leiks við félagslega sjálfbærni. Erindið fjallar um möguleg tengsl milli félagslegs þykjustuleiks og félagslegrar sjálfbærni í leikskólastarfi. 
•  Leikmenning leikskóla - Dr. Anna Magnea Hreinsdóttir, lektor við Menntavísindasvið Háskóla Íslands fjallar um stuðning leikskólastjóra við leikmenningu leikskóla. Í erindinu er fjallað um mikilvægi leikmenningar í leikskólastarfi og hlutverk stjórnenda í að styðja, efla og viðhalda henni. 
•  Sameiginlegir leikheimar barna og leikskólakennara - Auður Ævarsdóttir leikskólastjóri Ægisborgar segir frá þróunarverkefni um þátttöku leikskólakennara og annars starfsfólks í leik barna og álitamál því tengdu. Erindið fjallar um hvernig sameiginlegir leikheimar, skapaðir af kennurum og börnum, stuðla að sköpun, námi, félagslegri þátttöku og sjálfbærni í leikskólum. 
• Samantekt og tenging við Handbók um leikinn - Dr. Svava Björg Mörk, dósent við Menntavísindasvið Háskóla Íslands, tengir umræður dagsins við helstu áherslur Handbókar um leikinn

Ágrip erinda

Fundarstjóri: Jenný Dagbjört Gunnarsdóttir, þróunarfulltrúi leikskóla Hafnarfjarðar

Skráning: Vinsamlegast skráið ykkur hér Skráningarhlekkur

Verð: 12.900 

Komdu að leika og taktu þátt í að efla leikmenningu leikskóla!