Nýjasta tölublað TUM er tileinkað leikskólastarfi
Nýjasta tölublað Tímarits um uppeldi og menntun (TUM) er að þessu sinni sérrit um leikskólastarf tileinkað dr. Guðrúnu Öldu Harðardóttur. Guðrún Alda lauk doktorsprófi árið 2014 frá Háskóla Íslands og hefur með hugrekki, frjórri sýn og framsækni verið í framvarðasveit leikskólastarfs á Íslandi í fjóra áratugi.
Í ritinu eru átta ritrýndar greinar og fjórar ritstýrðar auk inngangs. Ritstjórar TUM eru Anna Kristín Sigurðardóttir og Sigríður Margrét Sigurðardóttir. Í undirbúningshóp ritsins voru þær Anna Elísa Hreiðarsdóttir, Kristín Dýrfjörð og Svava Björg Mörk.
Ritið er aðgengilegt rafrænt í opnum aðgangi hér: https://ojs.hi.is/index.php/tuuom. Það kemur einnig út í prentaðri útgáfu og hægt að skrá sig á áskriftarlista með því að senda póst á tum@hi.is.
Hér að neðan má sjá lista yfir greinar ritsins og höfunda:
KRISTÍN DÝRFJÖRÐ
Inngangur að sérriti
Ritrýndar greinar:
GUÐRÚN ALDA HARÐARDÓTTIR
Fæðingarferli í sjálfsprottnum leik nokkurra stelpna: „Við verðum að ná í sjúkrabílinn! Ein stelpan er að fæða lítið barn!“
KRISTJÁN KRISTJÁNSSON
Malaguzzi, Aristotle and Dewey on the tasks of early-years of moral education
SVAVA BJÖRG MÖRK OG INGIBJÖRG ÓSK SIGURÐARDÓTTIR
„Með fagvitund að vopni“: Upplifun leikskólakennara af hlutverki sínu í framvarðasveit í heimsfaraldri
HELENA SJØRUP EIRÍKSDÓTTIR OG ANNA ELÍSA HREIÐARSDÓTTIR
Athuganir og skráningar í leikskólanum
INGI JÓHANN FRIÐJÓNSSON OG GUÐMUNDUR HEIÐAR FRÍMANNSSON
Að undrast heiminn: Heimspeki og börn
KRISTÍN DÝRFJÖRÐ
Sjálfsprottinn leikur með stafrænan og skapandi efnivið í leikskóla
HÖRÐUR SVAVARSSON OG INGÓLFUR ÁSGEIR JÓHANNESSON
Þrengsli í leikskólum
Ritstýrðar greinar:
INGRID ENGDAHL
Honouring the competences of young children
JÓRUNN ELÍDÓTTIR
Börn með stuðningsþarfir í leikskóla margbreytileikans
SIGRÍÐUR SÍTA PÉTURSDÓTTIR
Að byrja í leikskóla: Mikilvægi góðrar aðlögunar
BRAGI GUÐMUNDSSON OG BRYNHILDUR BJARNADÓTTIR
Grenndarkennsla og vettvangsferðir í nærsamfélagi skóla
TUM er fræðilegt tímarit á sviði menntavísinda, gefið út í samstarfi Menntavísindasviðs Háskóla Íslands, Hug- og félagsvísindasviðs Háskólans á Akureyri og Félags um menntarannsóknir. Ritið kemur að jafnaði út tvisvar á ári og tekið er á móti greinum allt árið.