Inn á vef Landsbókasafns er að finna mikið að hagnýtum leiðarvísum fyrir rannsakendur í tengslum við birtingu fræðigreina, mat á tímaritum og útgefendum, upplýsingar um ORCiD og IRIS og fleira.
Háskóli Íslands mælist til þess að starfsfólk noti ORCID auðkenni og ORCID númer er nauðsynlegt við skráningu verka í opinvisindi.is. Þeir sem ekki eru þegar komnir með slikt auðkenni geta skráð sig á ORCID.org; skráningin er fljótleg og einföld.
Háskóli Íslands samþykkti stefnu um opinn aðgang að rannsóknarniðurstöðum og lokaverkefnum 6. febrúar 2014. Þar er hvatt til birtingar fræðigreina á vettvangi sem er opinn.
Ein leið til að birta efni í opnum aðgangi er í gegnum Opin vísindi sem er stafrænt varðveislusafn fyrir ritrýndar vísindagreinar og efni sem birtist á vegum íslenskra háskóla. Frá 2016 eru doktorsverkefni einnig vistuð þar. Eldri doktorsverkefni eru vistuð í Skemmunni.
Hér má sjá efni tengt Menntavísindasviði í Opnum vísindum
Opinn aðgangur er heiti á alþjóðlegri hreyfingu sem leitast við að stuðla að opinni útgáfu og ókeypis aðgangi að vísindalegu efni á netinu svo sem ritum og gögnum.
Bæði tímaritin Netla og TUM eru gefin út í opnum aðgangi samkvæmt CC by 4.0 leyfi.
Á heimasíðu Opins aðgangs á Íslandi má finna mikið af hagnýtum upplýsingum um efnið
Landsbókasafn hefur gefið út íslenskar leiðbeiningar um afnotaleyfi frá Creative Commons fyrir fræðilega útgáfu og fræðsluefni.
Í leiðbeiningunum er meðal annars fjallað um eftirfarandi:
- Tengsl höfundaréttar og CC afnotaleyfa
- Réttindi höfunda eftir undirritun útgáfusamnings
- Birtingu efnis með CC afnotaleyfi
Hér má kynna sér efni bæklingsins:
https://openaccess.is/wp-content/uploads/2024/08/CC_afnotaleyfi.pdf
Með tilkomu internetsins hafa orðið til svokölluð rányrkju- eða gervitímarit. Vefurinn Think-Check-Submit (íslensk síða - Hugsaðu, kannaðu, sendu inn) auðveldar rannsakendum að meta áreiðanleika tímarita.
Varðandi tímarit í opnum aðgangi þá er það ákveðinn gæðastimpill ef tímaritið er skráð í Directory of Open Access Journals (DOAJ) eða ef útgefandinn er meðlimur í Open Acess Scholarly Publishing Association (OASPA).
DOI númer:
Allar greinar sem birtast í Netlu og TUM fá DOI númer. Einnig er orðið sífellt algengara að rafrænar skýrslur séu auðkenndar með DOI númeri.
DOI stendur fyrir Digital Object Identifier. Það er notað til að auðkenna rannsóknargögn, s.s. tímaritsgreinar og önnur gögn sem gefin eru út á rafrænu formi á netinu, t.d. tímaritsgreinar, skýrslur, ráðstefnurit og gagnasett. Með því að auðkenna tímaritsgrein með DOI númeri er búið að tryggja varanlega slóð á netinu, jafnvel þó að upprunalega vefslóðin á greinina breytist
Hér má sjá nánari upplýsingar um doi númer.
LEIÐARVÍSIR LANDSBÓKASAFN - DOI NÚMER
ISBN númer:
ISBN er alþjóðlegt auðkennisnúmer fyrir bækur og bókatengda útgáfu. Skammstöfunin stendur fyrir International Standard Book Number sem er staðall nr. 2108 frá alþjóðlegu staðlastofnuninni ISO. Hvert númer er einstakt og er megintilgangur alþjóðlega bóknúmerakerfisins að greina hvert rit sem best frá öðrum.
Landsbókasafn Íslands - Háskólabókasafn er umboðsaðili fyrir númerakerfið.
LANDSBÓKASAFN ÍSLANDS - ISBN NÚMER