Forysta á nýjum tímum: Ný og breytt viðfangsefni, áskoranir og kreppur
Viltu taka þátt í umræðu um framtíð menntunar með skólastjórnendum og fræðafólki frá Kanada, Írlandi og Íslandi?
Tveir möguleikar í boði
- Námskeið á meistarastigi til eininga (5ECTS)
- Þriggja daga vinnustofa 14.-16. nóvember (án eininga) undir hatti námskeiðsins
Námskeiðið er þróað í samstarfi Menntavísindasviðs, fræðimanna við háskólann í Alberta í Kanada og Dublin, Kennarasambands Íslands og félaga skólastjórnenda af öllum skólastigum.
Skráningargjald á námskeiðið er 55.000 krónur fyrir þá sem ekki eru þegar skráðir í nám við Háskóla Íslands
Um námskeiðið
Markmið námskeiðsins er að veita þátttakendum innsýn inn í framtíðarfræði sem rannsóknarvettvang og sérstaka fræðigrein með áherslu á menntakerfi, skóla, krísustjórnun og félagslega nýsköpun
Á námskeiðinu verður leitast við að:
- skapa í sameiningu aðstæður sem gera leiðtoga í skólastarfi færa um að takast á við kreppur og tækifæri framtíðarinnar
- kynna og beita verkfærum félagslegrar nýsköpunar (e. Social Innovation) og hönnunarhugsunar (e. Design Thinking)
- Læra af fjölbreyttu alþjóðlegu og staðbundnu samhengi sem mótar skólastarf og menntakerfi þjóða
- taka þátt í þróun mælikvarða sem mun auðvelda alþjóðlegan samanburð á reynslu skólastjórnenda til að styrkja faglega rödd þeirra á heimsvísu
- vera hluti af alþjóðlegu samfélagi skólafólks sem skuldbindur sig til að endurnýja samfélagssáttmála menntunar eins og gert er ráð fyrir í Education 2050 Learning to Become sett fram af UNESCO
Nánar um námskeiðið
Dr. J.C. Couture
Dr. Stephen Murgatroyd
Dr. Jean Stiles
Dr. Anna Kristín Sigurðardóttir
Dr. Börkur Hansen
Dr. Guðrún Ragnarsdóttir
Dr. Jón Torfi Jónasson
Helstu viðfangsefni námskeiðsins eru kenningar og rannsóknir um forystu innan menntakerfa og skóla framtíðarinnar. Unnið verður með hugmyndir og hagnýta reynslu um forystu, teymisvinnu, gildi og aðferðir lýðræðislegra starfshátta. Þáttakendur:
- greina helstu áhrifaþætti breytinga með það að markmiði að skilja betur núningsfleti og átakapóla.
- fá að auki rými til að ígrunda og þróa eigin kenningar um breytingar og væntanlega framtíð.
- deila reynslu sinni af skólastjórnun við síbreytilegar aðstæður, hugsa um og ræða framtíðarmöguleika skólastjórnenda með aðferðum félagslegrar nýsköpunar.
- leggja sameiginlega til efni í alþjóðlega könnun sem hefur það að markmiði að styðja skólastjórnendur framtíðarinnar í að takast á við fjölþættar áskoranir.
Námskeiðið er skipulagt með stuttri kynningu á netinu í október 2022 og tveimur staðbundnum lotum.
- Fyrsta lotan (vinnustofa) fer fram á ensku dagana 14.–16. nóvember á Menntavísindaviði Háskóla Íslands.
- Seinni lotan fer fram á íslensku á vorönn 2023 en þá kynna þátttakendur afurðir sínar.
Fyrir nánari upplýsingar má hafa samband við
 |
Guðrún Ragnarsdóttir | Dósent | 5255517 | gudrunr [hjá] hi.is |
 |
Anna Kristín Sigurðardóttir | Prófessor | 5255502 | aks [hjá] hi.is |